Myanmar Platform

Home>>Public Welfare >> Activities 
  1. NO DATA
Brexitခွဲထွက်ရေး မပြေလည်မှုကြောင့် အတိုးနှုန်းများ ထိန်းသိမ်းထားရန် အင်္ဂလန်ဘဏ် ပြင်ဆင်[detail]
အဆိုတော်နိုဗန်ထူးအပြင် FG Live Lounge ပွဲမှာပါဝင်ဖျော်ဖြေသွားကြမယ့်အဆိုတော် တွေကဘယ်သူတွေဖြစ်မလဲ[detail]
အဂတိလိုက်စားမှုတိုက်ဖျက်ရေးအဖွဲ့ အမည်ခံလျက် ရုံးခန်းဖွင့်လှစ်ခြင်းနှင့် လှုပ်ရှားဆောင်ရွက်မှုများကော်မရှင်နှင့် သက်ဆိုင် မှုမရှိဘူးလို့ ထုတ်ပြန်[detail]
ပိန္နဲသီးကနေရရှိနိုင်တဲ့ ကျန်းမာရေးအကျိုးကျေးဇူးများ[detail]
ကွမ်းခြံကုန်းမြို့နယ်ရှိ ဒေသခံများ ရေလုပ်ငန်းကို တရားဝင် လုပ်ကိုင်နိုင်စေရန် ဒေသခံ ပြည်သူအစုအဖွဲ့ပိုင် သစ်တော တည်ထောင်ဖွဲ့စည်းသော နည်းဖြင့် ခွင့်ပြုပေးသွားမည်[detail]

လူကုန်ကူးမှုနှင့်ပတ်သတ်သော အချက်အလက်များနှင့် လူကုန်ကူးမှုနှင့်တွေ့ကြုံလာပါက လုပ်ဆောင်သင့်သည့်အချက်များ

Suu Suu Linn 2017-03-19 7963 Internet


လူကုန်ကူးမှုဆိုတာ အတင်းအဓမ္မခိုင်းစေဖို့၊ လိင်ကျွန်ပြုဖို့နဲ့ လူကုန်ကူးသူနဲ့အခြားသူများအတွက် လိင်ပိုင်းဆိုင်ရာ အသုံးတော်ခံဖို့စတဲ့ရည်ရွယ်ချက်များနဲ့ လူသားချင်းကုန်ကူးခြင်းဖြစ်ပါတယ်။ လူကုန်ကူးမှုထဲမှာ အတင်းအဓမ္မလက်ထပ်ထိမ်းမြားစေခြင်း၊ ကိုယ်တွင်းအစိတ်အပိုင်းအင်္ဂါတွေ ထုတ်ယူခြင်းလည်း ပါဝင်ပါတယ်။ လူကုန်ကူးမှုဟာ နိုင်ငံတွင်းမှာလည်း ဖြစ်နိုင်သလို နိုင်ငံကူးပြီး ကုန်ကူးခံရတာလည်း ဖြစ်နိုင်ပါတယ်။


အပြည်ပြည်ဆိုင်ရာ အလုပ်သမားအဖွဲ့ချုပ်(ILO)မှ မေလ ၂၀၁၄ခုနစ်က ထုတ်ပြန်ချက်အရ

ခန့်မှန်းခြေအရ လူပေါင်း ၂၁သန်းဟာ ခေတ်သစ်ကျွန်ပြုမှုကို ခံနေကြရပါတယ်။ ဒီထဲက ၁၄.၂သန်း(၆၈%)ဟာ လုပ်သားအဖြစ် အတင်းအဓမ္မခိုင်းစေခံနေရပြီး ၄.၅သန်း(၂၂%)က လိင်ကျွန်ပြုခံနေရသူတွေဖြစ်ပါတယ်။ ၂.၂သန်း(၁၀%)ကတော့ အစိုးရမှ လုပ်ဆောင်တဲ့ အတင်းအဓမ္မခိုင်းစေမှုကို ခံနေရပါတယ်။  

ကမ္ဘာတဝှမ်းရှိ လူကုန်ကူးခံရသူများထဲက ၅၅%ဟာ အမျိုးသမီးနဲ့ မိန်းကလေးငယ်တွေဖြစ်ကြပြီး ၄၅%ကတော့ အမျိုးသားတွေနဲ့ ယောက်ျားလေးငယ်တွေဖြစ်ပါတယ်။

လူကုန်ကူးခံရတဲ့ ၁၅.၄သန်း(၇၄%)ဟာ အသက်၁၈နှစ်အထက်တွေဖြစ်ပြီး ၁၈နှစ်အောက်ကလေးငယ်များကတော့ ခန့်မှန်းခြေ၅.၅သန်း(၂၆%)ရှိပါတယ်။

လူကုန်ကူးကြသူတွေမှာ ၅၄%ဟာ ခင်မင်ရင်းနှီးမှုရှိအောင် ပြောဆိုစည်းရုံးသိမ်းသွင်းပြီး လူကုန်ကူးမှုလုပ်ဆောင်နေကြသူတွေဖြစ်ပါတယ်။ ကျန်၄၆%ကတော့ ခင်မင်ရင်းနှီးပြီးသားသူတွေကို ငွေရေးကြေးရေးနဲ့ အလုပ်အကိုင်ကောင်းကောင်းတွေကို ဗန်းပြပြီး လူကုန်ကူးမှုကို လုပ်ဆောင်ကြပါတယ်။


မြန်မာနိုင်ငံမှာ ပြည်ပနိုင်ငံတွေကို လူကုန်ကူးခံရမှုသူများတွင် အမျိုးသမီးရာခိုင်နှုန်းမှာ (၈၅)ရာခိုင်နှုန်းရှိနေကြောင်းကိုလည်း သိရပါတယ်။ လူကုန်ကူးမှုတွင် အများဆုံးဖြစ်ပွား နေသည့်ပုံစံမှာအဓမ္မထိမ်းမြားလက်ထပ်ခြင်းဖြစ်ပြီး၊ လိင်လုပ်သားအဖြစ် အလုပ်ခံရမှုနှင့် လိင်ပိုင်းဆိုင်ရာ အနိုင်ကျင့်မှုများမှာ နောက်ဆက်တွဲပြဿနာများအဖြစ် ရှိနေပါတယ်။


လူကုန်ကူးခံရသူများအများစုဟာ လူကုန်ကူးမှုနဲ့ပတ်သက်တဲ့ဗဟုသုတနည်းပါးကြတဲ့အပြင် တချို့ဟာ နိုင်ငံရေး၊ စီးပွားရေး၊ လူမှုရေးအခက်အခဲတွေကြောင့် မျက်စိစုံမှိတ်ပြီး စွန့်စားကြတာဖြစ်ပါတယ်။ လူကုန်ကူးမှုရဲ့သားကောင်ဘဝကျရောက်ရတဲ့အခါ အသက်သေဆုံးရတာ၊ ဘဝပျက်ရတာ၊ ဥပဒေကြောင်းအရ ပြစ်ဒဏ်ကျ အရေးယူခံရတာ စတာတွေကြုံတွေ့ခံစားကြရပါတယ်။ ဒါကြောင့် ဒီလိုဆိုးကျိုးတွေနဲ့ လူကုန်ကူးမှုဆိုင်ရာ အချက်အလက်တွေ၊ လူကုန်ကူးမှု ကျူးလွန်တတ်တဲ့ ရာဇ၀တ်သားတွေရဲ့ စည်းရုံးရေး နည်းလမ်းတွေကို လူထုကို ပညာပေးဖို့ လိုအပ်လှပါတယ်။ မြန်မာနိုင်ငံလို နိုင်ငံတော်က ပညာပေးမှု အားနည်းတဲ့ တိုင်းပြည်တွေမှာ ပြည်သူအချင်းချင်း အသိပညာပေးတဲ့ နည်းလမ်းကို အကောင်အထည်ဖော်နိုင်ပြီး စာပေ၊ စာနယ်ဇင်းတွေ၊ သီချင်းတွေ၊ ဇာတ်လမ်းတွေ အများအပြား အသုံးပြုသင့်ပါတယ်။


မိမိပတ်ဝန်းကျင်မှာ လူကုန်ကူးခံရသူတွေရှိတယ်လို့ သံသယရှိတဲ့အခါဖြစ်စေ၊ လူကုန်ကူးခံရတဲ့အခါ ဖြစ်စေ လူကုန်ကူးမှုတားဆီးရေး အဖွဲ့မှ ၀၉ ၄၉ ၅၅၅ ၆၆၆၊ ၀၉ ၄၉ ၅၅၅ ၇၇၇၊ ၀၉ ၄၉ ၅၅၅ ၈၈၈ ၊၀၉ ၄၉ ၅၅၅ ၉၉၉တို့ကို ဆက်သွယ်တိုင်ကြားနိုင်ပါတယ်။

လူကုန်ကူးခံရပြီး အန္တရာယ်တွင်းက လွတ်မြောက်လာတဲ့သူတွေဟာ ရုပ်ပိုင်းဆိုင်ရာရော၊ စိတ်ပိုင်းဆိုင်ရာပါ ထိခိုက်မှုတွေ အများကြီး တွေ့ကြုံခံစားလာရတာဖြစ်လို့ ပတ်ဝန်းကျင်ကရော မိသားစုကပါ နွေးထွေးစွာ ကူညီဖေးမကြဖို့လိုပါတယ်။




comments

There is no comment

Publish reply