Myanmar Platform

ဆယ်တန်းအောင်ပြီ ဘာဆက်လုပ်ကြမလဲ

May Maung 2019-06-08 134

ဇွန် ၈ ရက်မနက်အစောပိုင်းမှာ အားလုံးစောင့်ဆိုင်းနေကြတဲ့ ဆယ်တန်းစာမေးပွဲ အောင်စာရင်းထွက်ခဲ့ပြီဖြစ်လို့ ပျော်သူလည်း ပျော် ငိုသူလည်း ငိုပြီးလောက်ပါပြီ။ တစ်ချို့ကတော့ ရလာဒ်ကို ညကတည်း သိပြီးနေကြပြီလည်းဖြစ်ပါတယ်။ 

အမှန်တကယ်တော့ ဆယ်တန်းအောင်ချိန်ဟာ ဘဝရဲ့ အစပဲဖြစ်ပြီး ဘဝရဲ့ခရီးလမ်းဆုံးမဟုတ်သေးဘူးဆိုတာကို မကြာခဏဆိုသလို သတိပေးနေရပါတယ်။ 

စားမေးပွဲကျရှုံးခဲ့သူတွေအနေနဲ့ကတော့ ဘာကြောင့် ကျရှုံးခဲ့ရတယ်ဆိုတဲ့ ပြန်လည်သုံးသပ်ပြီး နောက်နှစ်အတွက် ကြိုတင်ပြင်ဆင်ဖို့ပါပဲ။ ဆယ်တန်းအောင်ပြီးတဲ့သူတွေ အတွက် ရည်မှန်းချက်တွေကို အကောင်းဆုံးအကောင်ထည်ဖော်ပြီး ဘဝရဲ့ အနာဂတ်ကို ဖန်တီးနိုင်ဖို့အတွက် အကောင်းဆုံးအချိန်ပဲဖြစ်ပါတယ်။  

ဒီတော့ ဘယ်လို ပညာရေးတွေ ဆက်ပြီးလိုက်စားမလဲ၊ ဘယ်ကျောင်းတွေ ဆက်တက်မလဲဆိုတဲ့ အတွေးကိုယ်စီနဲ့ အနာဂတ်အတွက် ကြိုတင်ပြင်ကြရတာတော့မှာလည်း ဖြစ်ပါတယ်။

သီးခြားဝင်ခွင့်တက္ကသိုလ်များနဲ့ ဗျာများမယ့်နှစ်

ဒီနှစ်မှာတော့ တက္ကသိုလ်ဝင်ခွင့်မှာ သီးခြားဝင်ခွင့်နဲ့လက်ခံမယ့် တက္ကသိုလ် ၁၄ ခုရှိမယ်လို့သိရပါတယ်။

၂၀၁၈ခုနှစ်ကစပြီး တက္ကသိုလ် ၁၁ ခုအထိတိုးပြီး တက္ကသိုလ်ဝင်ခွင့်လက်ခံမှုစနစ်ပြောင်းလဲပြီး ကျောင်းသားကျောင်း သူတွေကို သီးခြား ၀င်ခွင့်နဲ့ ရွေးချယ်ခေါ်ယူခဲ့တာဖြစ်ပါတယ်။ ၂၀၁၈ ခုနှစ်မှာ သီးသန့်ဝင်ခွင့်နဲ့ လျှောက်လွှာခေါ်ယူခဲ့တဲ့ကျောင်းတွေကတော့ ရန်ကုန်တက္ကသိုလ်၊ မန္တလေး တက္ကသိုလ်၊ ရန်ကုန်နည်း ပညာတက္ကသိုလ်၊ မန္တလေးနည်းပညာတက္ကသိုလ်၊ နည်းပညာ တက္ကသိုလ်(မန္တလေး)၊ သတင်းအချက်အ လက်နှင့် နည်းပညာတက္ကသိုလ်(ရန်ကုန်)၊ သတင်းအချက်အလက်နှင့် နည်းပညာတက္ကသိုလ် (မန္တလေး)၊ ရန်ကုန်စီးပွားရေး တက္ကသိုလ်၊ ရန်ကုန်ပညာရေးတက္ကသိုလ်၊ ရန်ကုန်နိုင်ငံခြားဘာသာတက္ကသိုလ်နဲ့ မန္တလေးနိုင်ငံခြား ဘာသာတက္ကသိုလ်တို့ဖြစ်ပါတယ်။ သီးခြားဝင်ခွင့်နဲ့ ခွင့်ပြုခဲ့တဲ့ တက္ကသိုလ်တွေဟာ အရင်ကတည်း နာမည်ကြီးပြီးတက္ကသိုလ်တွေဖြစ်ပြီး မြို့ပေါ်မှာ တည်ရှိတာကြောင့် ကျောင်းသားတွေရဲ့ အကြိုက်များပါတယ်။  

တက္ကသိုလ်ဝင်တန်း စာမေးပွဲကို မတ်လမှာ ကျင်းပခဲ့ပြီး စာမေးပွဲဝင်ရောက်ဖြေဆိုသူကတော့ ရှစ်သိန်းခွဲ ကျော်ရှိတယ်လို့ မြန်မာနိုင်ငံစာစစ်ဦးစီးဌာနစာရင်းတွေက ဆိုပါတယ်။ အရင်လို လျှောက်လွှာ တစ်စောင်ထဲတင်လိုက်ပြီး တက္ကသိုလ်ဝင်ခွင့်စိစစ်ရေးအဖွဲ့ကပဲ ရွေးချယ်ဆုံးဖြတ်တာမျိုးမဟုတ်တာကြောင့် ကိုယ့်အတွက်ပိုမို ရွေးချယ်ခွင့်များလာသလို ဗျာများရမယ့် ကိန်းလည်းဖြစ်ပါတယ်။ 

ပြီးခဲ့တဲ့နှစ်မှာ ကျောင်းသားကျောင်းသူတွေအနေနဲ့ သီးခြားဝင်ခွင့်တက္ကသိုလ်တွေကို လျှောက်ထားရတဲ့အပြင် အဆင့်မြင့်ပညာဦးစီးဌာန တက္ကသိုလ်ဝင်ခွင့် စိစစ်ရွေးချယ်ရေးအဖွဲ့ကိုလည်း လျှောက်ထားရတာတွေရှိ တာကြောင့် အဆင်မပြေမှုတွေရှိခဲ့ပါတယ်။ 

ကိုယ်အမှန်တကယ်တက်ရောက်လိုတဲ့ တက္ကသိုလ်ကိုယ်ပဲ လျှောက်လွှာတင်တာ မျိုးလုပ်သင့်ပါတယ်။ ဒါမှလည်း အမှန်တကယ် တက်ရောက်လိုတဲ့သူတွေအတွက် နစ်နာမှုမရှိမှာဖြစ်ပါတယ်။

ဆန္ဒနဲ့ ဘဝလက်တွေ့ကျပါစေ

လူတိုင်းကတော့ နာမည်ကြီးတဲ့ တက္ကသိုလ်နဲ့ လူကြိုက်များတဲ့ ဘာသာရပ်တွေကို တက်ရောက်လိုတဲ့ ဆန္ဒရှိမှာသေချာပါတယ်။ ဒါပေမဲ့ အမှန်တကယ်   ဝါသနာပါတာကို  ရွေးချယ်  လျှောက်ထားမှုက အနာဂတ်အတွက် သော့ချက်ပဲဆို မမေ့သင့်ပါဘူး။  ကိုယ်ဝါသနာပါတဲ့ ဘာသာရပ်ကို ကိုယ်တက်ချင်တဲ့ကျောင်းမှာ တက်နိုင်ဖို့အတွက် ကန့်သတ်ချက်တွေရှိနေတာကြောင့်  လူတိုင်း မရနိုင်ဘူးဆိုတာလည်း သတိပြုရမှာဖြစ်ပါတယ်။

ဥပမာ ပြီးခဲ့တဲ့နှစ်မှာ တက္ကသိုလ်ဝင်ခွင့်လျောက်လွှာမှာ အမှတ်ပေါင်း   ၄၅၁ မှ ၅၁၄ မှတ်အထိရထားတဲ့  ကျောင်းသား   ၂ဝဝ ကျော်ဟာ     တက်ရောက်လိုတဲ့ တက္ကသိုလ် တွေကို  လျှောက် ထားရာမှာ     အမှတ်မမီပဲ အပယ် ချခံခဲ့ရပါတယ်။ တက္ကသိုလ် ထပ်မံလျှောက်ထားခဲ့ရတဲ့   အခက်အခဲ တွေ   ရှိခဲ့ကြပါတယ်။ ဒါကြောင့် ဒီအမှတ်ဆိုရင် ဒီတက္ကသိုလ်မှာ သေချာပေါက်ဝင်ခွင့်ရမယ်ဆိုတာမျိုးမဟုတ်ဘူးဆိုတာ သိပြုရမှာဖြစ်ပါတယ်။

မနှစ်က တက္ကသိုလ် ၁၁ ခုကို   အပြင်ကနေ    ကျောင်းကို  လျှောက်လွှာနဲ့ တိုက်ရိုက်လျှောက်ခွင့်ပြုချိန်မှာ ကျောင်းသားတစ်ချို့ အငိုက်မိခဲ့တာရှိပါတယ်။ တချို့ ကျောင်းတွေဆို      အင်တာဗျူးတွေလည်းဖြေရပါတယ်။ အင်တာဗျူး ဖြေနိုင်ပေမဲ့လည်း ဝင်ခွင့်ရသူတွေထဲမှာ အမှတ်နဲ့ပဲ သတ်မှတ်ပြီးဖြတ်ချခဲ့တဲ့အတွက် ဝင်ခွင့်မရခဲ့တာတွေ့ရပါတယ်။    

သင်ကြားတဲ့ဘာသာရပ်အတော်များများကလည်း လက်တွေ့ဘဝမှာ ပြန်လည် အသုံးချနိုင်ခြေပိုမိုများပြားရင် မိမိအတွက်ပိုမိုအဆင်ပြေနိုင်ပါတယ်။ ဥပမာအားဖြင့် ဒီနေ့ခေတ်ဟာ နည်းပညာခေတ်ဖြစ်တာနဲ့အညီ နည်းပညာပိုင်းဆိုင်ရာ ဘွဲ့ဒီပလိုမာတွေဟာ လက်တွေ့ဘဝမှာ အလုပ်အကိုင်မရှားတာ လည်းတွေ့ရမှာဖြစ်ပါတယ်။

နောက်တစ်ခုက ဆယ်တန်းအောင်ပြီးချိန်ဟာ ပညာရေးကို ဆက်လက်လိုက်စားသင့်တဲ့အချိန်ဆိုပေမဲ့ တစ်ချို့အတွက်တော့ ဘဝပေးအခြေအနေကိုလည်း ထည့်သွင်းစဉ်းစားရမယ့်အခြေအနေလည်းဖြစ်ပါတယ်။ အထူးသဖြင့် နယ်မြို့တွေက ဆယ်တန်းအောင်ကျောင်းသားတွေအတွက် တက္ကသိုလ်ပညာရေးဟာ အကုန်အကျများပြားပါတယ်။ တကယ်လို့ ကိုယ်ရွေးချယ်မယ့်ကျောင်းဟာ အကုန်အကျများမယ်ဆိုရင် အတန်းပညာမပြီးဆုံပဲ နုတ်ထွက်လိုက်ရတာမျိုးတွေဖြစ်လာနိုင်တာမို့ အနည်းဆုံး ဘွဲ့ပြီးဆုံးချိန်အထိ ပံ့ပိုးမယ့်သူက တတ်နိုိင်မတတ်နိုင်ကိုလည်း စဉ်းစားဖို့လိုမှာဖြစ်တယ်။ ဒီနေရာမှာ ပညာရေး အာမခံထားရှိနိုင်တာလိုမျိုးအခွင့်အလမ်းတွေတော့ ကျောင်းသားတွေအတွက် ရှိနေပြီဖြစ်ပါတယ်။

အပြင်ကျောင်းနဲ့ အပြင်သင်တန်း

များသောအားဖြင့် အစိုးရတက္ကသိုလ်တွေက ကျောင်းနှစ်ကျောင်းတစ်ပြိုင်ထဲ တက်ရောက်တာကို ခွင့်မပြုတာကို သတိပြုမိပါတယ်။ ဒါပေမဲ့ ရန်ကုန်နဲ့ မန္တလေးလို့နေရာမျိုးတွေမှာ အချိန်ပိုင်းတက်လို့ရတဲ့ ကျောင်းတွေလည်း ရှိနေပါပြီ။ အထူးသဖြင့် ပုဂ္ဂလိကကျောင်းတွေပဲဖြစ်ပါတယ်။ ဒါကြောင့် အခြားသောကျောင်းတွေမှာ တွဲဖက်တက်ရောက်တာမျိုးဟာ အနာဂတ်အတွက် ပိုမိုပြင်ဆင်ပြီးဖြစ်ပါလိမ့်မယ်။

ဒါမှသာ   တစ်ဖက်က    တက္ကသိုလ်ကျောင်းပြီး ချိန်မှာ    တစ်ဖက်က  သည်လိုမျိုးသင်တန်း တွေ တက်ထားတဲ့ အတွက်     ကျွမ်းကျင်နေပြီးဖြစ်တဲ့အတွက်    အလုပ်အကိုင်အခွင့်  အလမ်းတွေ   များပြားမှာ  သေချာပါတယ်။ဒီနေ့ခေတ်မှာ  ထူးချွန်တဲ့ ကျောင်းသားတွေကို လည်း  နိုင်ငံခြား ကို အခမဲ့ ပို့ပေးနေတာ တွေလည်းရှိတာကို နိုင်ငံရပ်ခြားပညာသင်ကြားမှုအတွေ့အကြုံကိုလည်း မမေ့ထားသင့်ပါဘူး။ သတင်းအချက်အလက်နဲ့ ဆက်သွယ်ရေးပညာတိုးတက်တဲ့ ဒီကနေခေတ်မှာ စာသင်ခန်းမနဲ့ စာကြည့်တိုက်တွေအပြင် အင်တာနက်အသုံးပြုပြီး အွန်လိုင်းနေပြီးတော့ လေ့လာသင်ယူမှုနဲ့အတူ စဉ်ဆက်မပြတ်လေ့လာရေးအတွက်လည်း အခွင့်အလမ်းတွေရှိနေပြီဖြစ်ပါတယ်။ အရင်ကလို အင်ဂျင်နီယာဖြစ်မှ ဆရာဝန်ဖြစ်မှ အနာဂတ်က ပိုမိုတောက်ပမယ်ဆိုတာမျိုးက အတိတ်မှာ ကျန်ခဲ့ပြီဖြစ်တာကို သတိပြုသင့်ပါတယ်။


အထက်မှာပြောခဲ့သလိုပါပဲ ဆယ်တန်းအောင်တာ ဘဝရဲ့ အစပါ။ ရေရှည်လျှောက်လှမ်းရမယ့် အနာဂတ်လမ်းမှာ ဝါသနာနဲ့ ဆန္ဒ တစ်ထပ်တဲ့ကျဖို့က အရေးကြီးပါတယ်။ မြန်မြန်ဆန်ဆန်ပြောင်း လဲနေတဲ့ခေတ်ကြီးထဲမှာ မိဘတွေအပါအဝင် ကျောင်းသားတွေဟာ ဆုံးဖြတ်ချက်တစ်ခုချဖို့အတွက် ခက်ခဲကောင်းခက်ခဲနိုင်ပါတယ်။ သေချာတာကတော့ ဆုံးဖြတ်ချက်ချဖြစ်အောင်ချပြီး ကိုယ်ဝါသနာပါရာကို လုပ်ရင် ပျော်ပျော်ပါးပါး ရှေ့ဆက်သွားနိုင်ဖို့ပဲဖြစ်ပါတယ်။


comments

There is no comment

Publish reply